Əmir Əbdullahiyan iyən Seyd Həsən Nəsrullah de yande vindemon kardışone.

İroni xarıci vəzir ki tojədən bə Beyrut varid bıə, de Livani Hibullah muğavimət qurupi rəis vindemon və muzakirəş karde.

Bə Fars aqentiyəti raporti əsos, Huseyn Əmir Əbdullahiyan zinə və Livanədə De Seyd Həsən Nəsrullah vindemon kardey cərəyonədə muxtəlif mıvzoon barədə suhbət və muzakirəş karde.

Həminə vindemonədə Beyrutədə bıə İroni səfir Muhəmməd Cəlal Firuzniya həm iştirokış kardə be və 2 tərəf çı Livani siyasi oxonə şəroyet və məntəğə təhəvvolaton barədə muzakirə və sıhbət kardışone.

İroni Xarıci vəzir zinə de Livani ali rəsmi şəöxson əcumlə livani prezident, i minnə vəzir və xarıci vəziri vindemon kardəş be.

Əv bə Livan səfər kardeyku bənavDəməşğədə həm de Suriyə rəsmi şəxson mulağatış be.