Velayəti: İraği millət İşidi vədə ijən xarıciyə kişvəron bevəcə planon vədə səbarz bən.

İroni nizomi məslehəti təyin əkə icma stratejikə təhğiğon mərkəzi rəis votışe: İraği millət i tərəf ıştə sərzəminiku xarıciyə kişvəron bekardeşone və co tərəfo həm DAEŞ terroristiyə qrupi məğlub kardero deşmənon bevəcə pılanon vədə səbarz bıbun.

Bə İrna raporti əsos İroni nizomi məslehəti təyin əkə icmae stratejikə təhğiğon mərkəzi rəis Əli Əkbər Velayəti zinə de İraği navnə nat vəzir "Adil Əbdolməhdi" mıloğat karde cərəyonədə əlovəş kardə: İraği tale vey ruşine və ım kişvər beşək(yəğin) çı dınyo vey zumandə ərəbə kişvəronku qıləyni heste.

Adil Əbdolməhdi həm votışe: de diğğət bə problemon ijən deşmənon bevəcə pılanon miğdor çı İraği milləti səbarzətion hevujəti vey ziyode.

Əv həmçınin İronədə islamiyə inğilabi barədə vey xoşhal be və ım inğilabi çı məntəğə və dınyoədə yolə əsəron bino əkə inğilab hisobış kardə ki vey mıvzoon əvəz karde boiys be.