De sionist rejimi əloğəon normal kardey barədə Tırkiyə milləti eterazon.
Bə Mərmərə nomo məşhurə kəşti sionist rejimi həmlə 12 minnə sorəqardışədə Tırkiyə millət ın kişvəri muxtəlif məntəğəonədə de sionist rejimi əloğəon normal kardeybə barədə Ankara dıvləti siyasəton məhkum və bəy eteraz kardışone.
Tırkiyə prezident Rəcəb Təyyeb Ərdoğan qıle holədə ki həmmişə sioniston cinoyəton vədə bə Fələstin milləti həx-huğuği oqətey iddio kardedə əmmo əmələn miladi 1949 minnə soriku ın rejimi rəsmi zınəşe və həmonə soronku vey nezə əloğəonış oşko və məxfi surəti hərbi və iğtisodi baxşonədə binoş kardə.
Fələstin millətiku Tırkiyə himoyədorəti tosə bə ısət fəğət sıxanədə be və ın kişvər iyən sionist rejim muxtəlif baxşonədə hejo məxfi həmkarətişon be.
Bə Mehr aqentiyəti raporti əsos, çı Tırkiyə mediaoon nəğliku, Tırkiyə millət zinə və Bə Mərmərə nomo məşhurə kəşti sionist rejimi həmlə 12 minnə sorəqardışədə deştə eterozon əmələn bə de sionist rejimi əloğəon normal kardey barədə Ankara dıvləti siyasəton məhkum və bəy eteraz kardışone, əvon de ın rıjimi həmkarionku ıştə norohəti elan kardışone.
2010 minnə sorədə iyən sionist rejimi bə Tırkiyə Mərmərə nomo humanitar kəşti həmləon bəpeşt Tirkiyə və israili miyono əloğəon bə vey qədə səth iyən miğdori rəsə, əmmo ısət sionist rejim və Tırkiyə miyono həmkarion bə tojə mərhələ varid bey bəpeşt, dəvardə manqədə hətto sionist rejimi rəis həm bə Tırkiyə səfərış be ki vey de Tırkiyə rizoyəti bə ico be.
