Suriyədə Tırkiyə hərbi əməliyot qıləy beməxə hərəkəte.

Suriyə barədə Astanə nomo bıə iclosədə Rusiyə nımoyəndə, Suriyədə çı Tırkiyə hərbi əməliyaton bənə beməxə rəftori bə hisobış varde.

Bə İLNA raporti əsos, Əleksander Lavrentiyev ımruj təkidış karde: Suriyədə çı Tırkiyə hərbi əməliyot hukmən məntəğədə noəmni və bestabileti bois bəbe.

Əv Suriyədə Amerkə hərbi iştirok iyən çı Suriyə nati ğarət kardeyku tənğidış karde və votışe: sionist rejimi bə dəməşğ hərbi təcavuzi məhkum kardedəmon.

Suriyə behroni barədə Astanə şəhrədə bıə 2 rujə iclos ımruj Ğəzaxistonədə bino bıə.

Muzakiron qıləy şərayetədə bino bıdə ki bə Suriyə şimol məntəğəon çı Tırkiyə hərbi təcavuzi tojə nımonədə çand haftə bəbe ki Tırkiyə təhrik omizə rəftoron muşahidə bıdə.