Sionist rejimi cəsusi təşkilati amilonku qıləy şəbəkə dastqirəti

İron İslam Respublika kəşfiyot vəzarətxonə elanış karde: de əmniyyəti ğıvvon vositə, Sionist rejimi cəsusi təşkilati amilonku qıləy şəbəkə iyən çəvon həmmə əməliyatiyə amilon dastqir bıən.

Bə İrna raporti əsos, İron İslam Respublika kəşfiyot vəzarətxonə de elaniyə sadir kardey vositə təsdiğış karde: Sonist rejimi cəsusi təşkilati amilonku qıləy şəbəkə ki terroristiyə əməliyaton əncom doeyro bə İron vığandə bıə bin, xərobkorə əməliyaton əncom doey bənav de İmom Zəmon(əc)-i nomışon məlum nıbıə ğıvvon vositə zıney iyən dastqir bıən.

Im elaniyədə omə: həminə qrupi dastqir bıə uzvon ki qıləy hamsuyə kişvəronku de sionist rejimi terroristi-cəsusi təşkilai amilon rabitəşon be, əməliyati və kammiunikasiyə əbzaron iyən zumandə tıpımoni maddon kəşf bıə ki İroni təyin bıə muxtəlif həssosə məntğəonədə xərobkorə əməliyaton əncom doey fikədə bin ki de əmniyyəti hərbion çand mərhələ əməliyati vositə zıney iyən dastqir bıən.

Im elaniyədə ijən ğeyd bıə ki: de ım terroristiyə qrup harcurnə daxıli və xarıci rabitəşon bıə amilon barədə təhğiğon və məlumat qırdə kardey dəvom kardeydə iyən komil bıə xəbon elan bəbe.