İraği şimalədə Tırkiyə qıləy hərbiyə ğıvvə kıştə be

Tırkiyə mıdofiyə vəzorətxonə İraği şimalədə bomba tıpemoni xoto Tırkiyə qıləy hərbiyə ğıvvə kıştə bıeku xəbəş do

Bə Təsnim xəbəriyə mərkəzi raporti əsos : Tırkiyə mıdofiyə vəzorətxonə elanış ka, zinə Qeneral Mehmet Duman İraği şimalədə, Pencə Ğıflə məşhur bıə əməliyyotiyə məntəğədə P.K.K terroristiyə unsurun əməliyyoti xoto kıştə be.

Tırkiyə devlət P.K.K və bın qrup vobəstə bıə baxşon terrorisiyə siyahiədə ğərorış doə.

Tırkiyə ım sornə sori Aprilə manqi 19 minə rujiku İraği Kırdıstonədə Pencə ğıfl nomo qıləy əməliyyotış bo P.K.K mıborizə bardeyo binoş ka ki, de Bəğdadi rəsmi şəxson etıroz dimbədim be və əvış İraği ərazi təmamiyyəti rıoyət nıkarde zıniyəşe.