Yəmənı məmləkətdə ğəhti xəto barədə İbə milləton təşkilati xəbərdarəti.

İ bə milləton təşkilatdə bıə inson dustə əməliyati hissə mudir ki bə Yəmən səfərış kardə zinə ım məmləkətdə ğəhti bə nav ome xəto barədə xəbərdarətiş do.

Bə Telerədyo  xəbon əsosi Istehfan Obrayn votışe:əqər beynəlxalğə səthədə bıə ictimaiyyət yəmənı məmləkətdə bıə inson dustə koməkon bərnaməon icra be  xərcon təmin karde plani surət nıdən ım məmləkətdə de ciddiyə ğəhti  xəto dim bə dim bəbemon.

 Obrayn əlavəş karde təğribən yəmənı cəmiyyətiku 19 desbə 26 milyon nəfər bə xurəki koməkun ehtiyacişon heste və hal hazırədə 7 milyon yəmənıj zındə nin ıştə coqlə xurəki vədə çokonə təmin bıkən.

Səudiyyə Ərəbıston de Amerkə və Ərriyadı ğərbi və ərəbiyə şərikon 2015 minnə sori martə manqiku bə yəmənı zid hərbiyə təcavuzış təşkil kardə və zəmin dıyo və həvoku ım məmləkətış muhasirə kardə ta yəmənı bə kəno mandə bıə president Əbde Mənsur Hadi bə ğıvvə oqırdıno.