Bə İron və Omani məntəğə həmkoətion əhəmiyyəti, Əmirəbdullahiyani təkid.

İroni xarıci koon vəzir, məntəğə kişvəron iğtisodi bə inkişof rəsey səth iyən problemon həlli cəhəto, bə məntəğə həmkoətion əhəmiyyəti təkidış karde.

Bə xarıci koon vəzarətxonə məlumatərosnə idorə raporti əsos, Bəğdad-2 iclosi kənoədə, İroni xarıci koon vəzir, Huseyn Əmirəbdullahiyan de Omani xarıci vəzir Seyed Bədr İbne Həmd Əlbosəeidi vindemonədə İron İslom Respublikaro İraği bə inkişof rəsey və məntəğə əhəmiyyəti cəhəto, dəvardə sori Bəğdad-1 iclos və Omanədə Bəğdad-2 İclosədə İron İslom Respublika iştiroki vey muhimm zıneydə.

Zinə rujədə, İroni xarıci koon vəzir, Huseyn Əmirəbdullahiyan Bəğdad-2 iclosədə iştirokiro bə İordaniya paytəxt, Əman varid bıə.

Imruj və bə İordaniya mizbonəti, İraği kişvəri məsələon barədə hələkə roon iroə doey xoto, Bəğdad-2 konfrans de İraği koəkə və hamsuyə kişvəron xarıci vəziron iyən yolonku çand nəfəri iştirok bərpo bəbe.

Bəğdad-2 konfransi bərpo beyku hədəf ıme ki iğtisodi iyən siyasi cəhəto bə İrağ komək bıbu.

Im iclosi əsos ıme ki İrağ və ətrof bıə kişvəron vəziyəti barədə sıhbət bıbu.