Homs məntəğədə bə Suriyə ərtışi həmləon əncom bey

Xəbəiyə mənbəon xəbəşon do ki Homs ostanədə bə Suriyə ərtışi baza silohinə həmləon əncom bıə.

Dəvardə soronədə,  Amerkə terroristiyə ərtış çand kərə terroriston himoyə kardey  çərçivədə, Suriyə strukturon iyən vırəon hədəf ğərorış do.

Bə zinə ruji Spotnik aqentiyəti raporti əsos, Suriyə ğərb Homs ostani ətrofi silohinə həmlə cərəyonədə, 6 nəfər ım kişvəri hərbiçion kıştə bıən.

Çimiku bənav həm Suriyə mənbəon xəbəşon doə bin ki Deyrolzurədə və qıləy terroristiyə həmlə cərəyonədə, 12 nəfər kıştə iyən zəxmin bıə bin.

Məhəlli mənbəon elanışon kardə ki həminə terroristiyə həmlədə Deyrozuri natə meydonədə bə 3 qılə avtubos ki fəhləon bardey holədə be, həmləoşon kardə iyən həminə həmlə cərəyonədə, 10 nəfər fəhlə kıştə kiyən 2 nəfər həm zəxmin bıən.

Milodi 2011 minnə soriku, bə sionist rejimi mənafe iyən məntəğə hisob-kitobon əvəz kardey cəhəto və de terroristiyə qrupon hevujə həmləon vositə  ki Ərəbiston, Amerkə və çəvon mıttəfiğon himoyə kardey holədə, Suriyədə bıhron bino bıə.