Dınyo Şiəyon 9minnə İmomi milad Ruji sorəqardışi təbrik

Imruj 4şanbə Hicri Ğəməri 1444 nə sori rəcəbə manqi 10 bərobər de miladi 2023 minnə sori fevrali 1 dınyo şiəyon 9 nə imom Həzrət Muhəmməd Təği(ə) səadətinə viladəti sorəqardışe.

Imruj 4 şanbə Hicri Ğəməri 1444 nə sori rəcəbə manqi 10 bərobər de miladi 2023 minnə sori fevrali 1 dınyo şiəyon 9 nə imom Həzrət Muhəmməd Təği(ə) səadətinə viladəti sorəqardışe.

İmam Muhəmməd Təği(ə) hicri ğəməri 195 nə sori rəcəbə manqi 10 nə ruji Mədinə şəhrədə bə dınyo omə və çəy əzizə dədə dınyo şiəyon 8 nə imom Həzrət İmom Rıza(ə) şəhodəti bəpeştə mıslmonon rəhbərəti məsuliyətış bə ehdə qəte.

Imom Muhəmməd Təği(ə) mubarəkə ləğəb Cəvaduləimmə be .

İmom Rıza(ə) ıştə avlod Həzrət imom Cəvad(ə) şən və yoliyəti həxədə votedə:az qıləy zoəm heste ki bənə Musa(ə) elmi kəybəon okardə kəse.

İmom Cəvad(ə) 8 sorətiədə bə imamət rəsə və 17 sor həzrəti imaməti devran bə, yəni ıştə imaməti devranış hırdənəti və noperəsəti devranədə dəvoniyəşe.

İmam Cəvad(ə) imaməti devranədə islami və ğeyre islami mıxtəlif fırğəon inkişafışon kardə be və sayirə milləton elmon və texnoloqiyaon xususi diğğət mərkəzdə ğərorış qətə be.

Boçimi xoto dınyo şiəyon 9 nə imom bə elmi və etığodiyə bəhson daxil be və de mıxtəlif  dinon mıxalifon munazirə kardeədə Xıdavəndə xalıği sərmayədə imamətiku mudafiə kardə be.

İron İslam Respublika telerədyo de imam Muhəmməd Təği(ə) viladəti sorəqardışi mınosibəti bə dınyo həmmə mıslmonon xususi Tolışə həmzıvonon təbrik votedə.