Sioniston bə peşo okırnye səhnə şiddətış qətə

İntifozə ğərorqoh rəis votışe: de muğaviməti şəhidon xuni bərəkət ısət Sioniston bə peşo okırnye səhnə şiddətış qətə.

Bə İrna raporti əsos, Rəməzan Şərif çı Ğuds beynəlxalğə ruji bərnamon elan kardey xəbə islosədə əlovəş karde: dıno həmmə kafiron qırdə bıən ki işğali ərazi ozod kardeyro mısılmonon məğlub bıbun, əmmo fakton nışo doydə ki Ğuds beynəlxalğə rujon, həmonə fəryodon, dəvardə 44 sori mıddətədə bə Fələstini məsələ təkidon, himoyəon, koməkon və muğavimət cəhbə zumand kardey ısət bə nəticə aid bıə.

İntifozə ğərorqoh rəis təsdiğəş karde ki: ımruj har zəmoniku vey bə beytulmuğəddəs iyən işğali Fələstini ozodəti nez bıdəmon və ımsornə sori Ğuds beynəlxalğə ruj çı Abraham xarəkə muğavilə oxo elan kardə zəmone ki de Amerka ğoldor iyən zalimə prezidenti icbor bıə iyən bəzi kişvəron de həmonə cinoyətkori bə dast dənoə bıə əmmo mısılmonə milləton əy tov nıvardışone.

Rəməzan Şərif votışe: ımruj sioniston vey tel iyən mırəkkəb şərayetədən iyən ın rejimədə siyosi, iştimaii iyən əmniyəti behronon ki çand sor çimiku bənav bino bıə be bə nığılə mərhələ rəseydə.

İntifozə ğərorqoh rəis bəyonış karde ki Fələstin dəvardə 2 sori mıddətədə 300 şəhidi bə Fələstini hədəf təğdimış kardə və votışe: ımroj de Fələstini muğavimət cəhbə fərzəndon iyən şəhid Suleymani və çəy məktəbi şoqirdon Fələstini həmmə vırəon bə de işğalçiyə rejimi mubarizə bardey məydon əvəz bıə.

De İroni nizomi təsisəkə mərhum İmom Xomeyni tədbiri Mıburək Rəməzanə manqi oxonə cımə bənə Ğuds beynəlxalğə ruji ğeyd bıə ta dınyo mısılmonon ın rejimiku ıştə nifrəti nışo bıdən.