Bə Suriyə sionist rejimi həmlə, İroni tərəfo məhkum bıə

İron İslom Respublika vəzarətxonə sıxənəvot, Dəməşğ və çəy ətrofədə bə kali mərkəzon sionist rejimi həmləon de şiddətin məhkumış kardə.

Bə xarıci vəzarətxonə sıxənəvot iyən məlumatərosnə raporti əsos, İroni xarıci vəzarətxonə sıxənəvot votışe: de təəsufin qlobal ictima bə Suriyə sionist rejimi dəvomin və təcavuzəkə həmləon vədə intizor bıə reaksiya nışoşon nıdo, əcumlə ım həmləon, ım kişvəri ğeyri hərbi airport iyən hətto sakin bıə vırəonədə be  ki ım məsələ bois bıə sionist rejim Suriyə şahrvandon həxədə ıştə cinoyəton dəvom bıdə.

İroni diplomatiya təşkiloti sıxənəvot, jıqo təcavuzkorə hərəkəton beynəlxalğ prinsipon  oşko və dəvominə darşiye və həmçınin ım rejimi daxıli nığılə bıhranon icod beyro diğğəton mınhərif kardey koonin.

İroni xarıci vəzarətxonə sıxənəvot, cp kərə  beynəlxalğə rəsmi şəxson təşkilatonku və çəy mərkəzədə İ Bıə Milləton Təşkilati Əmniyyəti Şuraku vey rə tələbış kardə ki sionist rejimi təcavuzon dəvomin vəy qəteyədə və Suriyə kişvəri hakımiyət və sərzəmini təmamiyyəti oşkoə darşiyeədə, bəştə məsuliyəti əməl bıko.

Imruj cımə, sionist rejimi bomba ğandə təyyorəon Dəməşğədə bə çand qılə hədəfi bamardımonışon kardə.

Bə həminə raporti əsos, Əldimas məntəğə de sionist rejimi vositə, bə hədəf ğərorış qətə.

Suriyə ərtışi həvoiyə mudafiə sistem, muvəffəğ bıə çand qılə vığandə bıə rəketon təğib və məhv ko.