Həmas: sionist rejimi cinoyəton be cəvob nibəmande.
Fələstini islomiyə muğaviməti hərəkət(Həmas) qıləy bəyoniyədə Məçitol Əğsadə və de sionist rejimi vositə qıləy Fələstinıjə cıvoni şəhodəti məhkum iyən təkidış kardə: ım cinoyət be cəvob nibəmande.
Zinə şəv Əlnəğəbi məntəğə Horə diədə, qıləy 26 sor sinnış bıə Fələstinıjə cıvon Muhəmməd Ələsibi de sionist rejimi hərbiçion qullə vositə bə şəhodət rəsə. Im cıvon qıləy holədə bə şəhodət rəsə ki Babol Selsele nezədə, və israili hərbiçion həmlə vədə, qıləy Fələstinıjə jeniku mıhofizə kardey holədə be.
Bə Ələhd xəbəiyə baza raporti əsos, Həmasi ım bəyoniyədə işorəş kardə ki çəmə sərzəminədə və bə çəmə milləti ələyh sionist rejimi cinoyəton be cəvob nibəmande ijən əlovəş karde: çəmə millət de şəhidon bəştə əhd və peymon pobənd bəmande və bəştə muğavimət dəvom bədoe.
Çımiku bənav həm Fələstini islomiyə cihodi hərəkət həm qıləy bəyoniyədə məçitoləğsadə və de sioniston vositə Fələstinıjə cıvoni şəhodəti məhkumış kardə be və ım vəhşiyə cinoyəton vədə bə fələstini milləti muğavimət dəvomi təkidış kardə be.
Məçitoləğsa varid bey ətrofədə qullə ğandey qıləy holədə əncom beydə ki de sionist rejimi şiddətinə məhdudiyəton vucudi 250 həzoku vey nımoj votey kəson iştirokışon be və Məçitoləğsadə və de 250 həzo Fələstini millət, Rəməzan mıburəkə manqi 2minnə cımə nımoj bərpo bıə.
