De rabitəon hevujəti hədəf, İron və Omani parlamenti yolon səfə
Omanədə bıə İron İslom Respublika səfir təkidış kardə: İron və Omani parlamenti yolon səfə de 2 qılə kişvəri rabitəon hevujəti hədəf əncom bəbe.
Omanədə bıə İroni səfir, Əli Nəcəfi Xoşrodi bə 2 qılə kişvəri parlamenti dusti qrupon səfə işorəş kardə və votışe: İron və Omani parlamenti yolo səfə əncom bəbe.
Bə Milləti kə aqentiyəti raporti əsos, .Əli Nəcəfi Xoşrodi İron və Omani parlamenti həmkoətion barədə əlovəş kardə: de diğğət bə İron İslom Respublika və Omani hukuməti milləti şe-omeyon, təbie ki parlamenton bənə milləti nımoyəndəon 2 qılə kişvəri rabitəonədə vey muhimmə rol və təsirışon bıbu.
Omanədə İroni səfir həmçınin votışe: dəvardə soronku tosə ısət, parlamenti yolon səthədə, ım rabitəon parlamenti heyəton və parlamenti dusti qrupon mucud be.
Əli Nəcəfi Xoşrodi ijən təkidış kardə: parlamenti həmkoətion inkişof, İron və Omani 2 tərəfi rabitəon və devləton miyono həmkoətion bə inkişof rosniye bois bəbe.
