İroni məədən, ticorət və sənaye kə ticorəti inkişofi komissiya sıxənəvot xəbəş do: dəvardə sorədə, bə Suriyə İroni ixracat, bə ozavziyə rəsə.

İroni məədən, ticorət və sənaye kə ticorəti inkişofi komissiya sıxənəvot, Seyd Ruhollah Lətifi de İsna aqentiyəti votımonədə işorəş kardə ki dəvardə 20 manqi mıddətədə, bə Suriyə İroni məhsulon ixracat veyə təhəvulaton soyb be ijən əlovəş kardə: de Hicri Şəmsi 1400 minnə sorədə, İroni 13minnə dıvləti omey həmzəman və de qlobal ticori və marzon oj bey vucudi, bə  Suriyə İroni ixracat, 218 milyono 260 həzo dollar rəsə ki dəvardə sori muğaisədə, 99 faiz əlovə bey nışoş do.

Tojədən İroni prezident Sey İbreymi Rəyisi de Suriyə Prezident Bəşar Əsədi rəsmi dəvəti bə ın kişvər səfərış kardə be.

İŞİD-i məğlubiyəti bəpeçt ısət 2 qılə kişvəri miyono həmkoətion anədə ranqin bıə ki talero vey ruşinə şərayeti nəzərdəqəte bəbe.

Asiya Ğərb məntəğədə İron və Suriyə əloğəon bənə stratejik əloğəon mandəy ki 2 tərəf bə çəy inkişofi təkidışon heste.

Suriyə 12 sornə behroni cərəyonədə iyən de terrorizm mubarizə barde meydonədə İron həmmişə çı Suriyə dıvlət və hakımiyəti peştədə be.