Bə Kərimə Ğıroni be ehtıroməti kardey, Kənani tərəfo məhkum bıə

İroni xarıci vəzorətxonə sıxənəvot virtual şəbəkəonədə qıləy mesaj muntəşirış kardə və de sionisti qədə şəhron sakin bıə kəson vositə, Kərimə Ğıroni məğomi be ehtıroməti məhkumış kardə.

Bə Tele-Rədio aqentiyəti raporti əsos, İroni xarıci vəzorətxonə sıxənəvot, Nasır Kənani Çafi virtual şəbəkəonədə qıləy mesaj muntəşirış kardə və de sionisti qədə şəhron sakin bıə kəson vositə, Kərimə Ğıroni məğomi be ehtıroməti məhkumış kardə.

Kənani ijən nıvıştəşe: bə məçiton sioniston dəhşətinə həmlə və bə Kərimə Ğıron be ehtıroməti kardey, kəon xərob kardey, Fələstini be mudafiə millət, jenon və hırdənon har ruj ğətliam kardey, bə insoniyə həxon və dini muğəddəsəçiyon təcavuz kardeyədə sionisti pesoxtə bıə rejimi bə hiç sıə xətti pobənd nıbey nışonəy. ım təcavuzonədə ğərbi himoyəon və çəvon sukut, bə sioniston təcavuzon və vəhşiyəti əlovə kardəş.

Zinə şəv sioniston qədə şəhron sakin bıə kəson, Nablusi cənubədə Orif qədə şəhri məçitonku qıləyni həmləş kardə və bə Kərimə Ğıron be ehtıroməti kardışone. Həmçınin sioniston Ramullah və Nablusədə çand qılə Fələstinıjon kə, maşinon və çəvon kaştemoni məhsulon otəş jəşone.