Cənin iyən Tobasədə, de sionist rejimi muğaviməti silohinə daveon

Ğərbi sahilədə bə Cənin iyən Tobas şəhron, Sionist rejimi hərbiçion həmlə cərəyonədə Fələstinıjə mubarizon de əvon dave kardışone.

Sioniston bəştə inkişofinə hədəfon dast peydo kardey xoto, har ruj bə Fələstini muxtəlifə məntəğəon həmlə kardedən və Fələstinıjon şəhid iyən zəxmin və ya dastqir kardedən, Fələstinıjon həm ım cinoyəton cəvobədə, anti sionistə əməliyoton əncom dodən.

Bə Mehr aqentiyəti raporti əsos ki Fələstinıjə mediyaonku nəğlış kardə, zinə sıb, Fələstini muğaviməti mubarizon, İurdaniya ru ğərbi sahilədə Cənin iyən Tobas şəhronədə de silohinə surəti de sionist rejimi dave kardışone.

Im daveon cərəyonədə tosə ısət, qıləy Fələstinıjə cıvon bə sionist rejimi hərbiçion ti ğandey xoto, zəxmin bıə.

Im raportədə omə ki bə Cənin şəhri həmlə cərəyonədə Fələstinıjə ozodə, ,eyx Fəthi Ətom və qıləy Fələstinıjə cıvon,Rəbie Əlsanori əsir bıən.

Bə ım raporti əsos, ijən məhəlli mənbəon xəbəşon dodən ki Ğuds və Əlxəlil şəhronədə Fələstinıjə cıvonon de israili işğolçiyon dave kardışone.