İron və İ Bıə Ərəb Əmirəti moli həmkoətion hevujəti

De İ Bıə Ərəb Əmirəti moli koonədə mışoviri vəzir Abu Dabiədə İron İslom Respublika səfiri vindemonədə moli və puli baxşonədə mıştərəkə mevzoon barədə votımon əncon bıə.

Bə Fars aqentiyəti raporti əsos, Dubayədə İ Bıə Ərəb Əmirəti moli vəzorətxonə vırədə, Abu Dabiədə İron İslom Respublika səfir Rıza Ameri iyən İ Bıə Ərəb Əmirəti moli koonədə mışoviri vəzir Muhəmməd İbne Hadi Əlhuseyni de yande vindemon iyən votımonışon kardə.

Im vindemon de məntəğə iğtisodi subiti zumandəti və bə rifoh iyən inkişof dast peydo kardey hədəf əncom bıə və 2 tərəf moli iyən puli mevzoon iyən 2tərəfiyə mıştərəkə mezvoon barədə deyande votımonışon kardə.

Dəvardə manqonədə de siyosi və məntəğə baxşonədə de ixtilofinə dosiyəon vucud, İron və İ bıə Ərəb Əmirəti pidəşon be ta rabitəon jıqo mudiriyət bıko ki daveonku vəy bıqəton və 2 qılə kişvəri mevcudə zərfiyətonku xususi ticori və iğtisodi baxşonədə 2 qılə kişvəri zərfiyətonku isfitodə bıbu.