Sionist hərbiçion həmlə cərəyonədə çand da Fələstinıjon zəxmin bıən

Zinə dışəmbə, Xəbəiyə mənbəon raport doşone ki Ğərbi sahili şimol, Nablusi cənub şəhrədə bə Bita qədə şəhri sionist rejimi hərbiçion həmlə dumoədə 52 fələstinıjon zəxmin bıən.

Bə İran Peres aqentiyəti raporti əsos, bə Bita qədə şəhri sionist rejimi hərbiçion həmlə cərəyonədə sioniston bə qıləy sakin bıə kə həmlə kardışone, həminə hodisə dumoədə çand da Fələstinıjon həm de əvon moğabilə kardışone və sionist rejimiərtış bə Fələstini millət qullə ğandışone.

Fələstini sıə hilal elanış kardə ki Fələstinıjon iyən sionist rejimi hərbiçion daveon dumoədə 8 nəfər Fələstini bə canqi qullə və 2 nəfər bə metali qullə iyən 42 nəfər həm bə çəşəars doə qazi xoto zəxmin bıən.

İjən Ğəzzə tanqə şərğədə işğal bıə Fələstini marzi nezədə Fələstinıjon aksiya dumoədə 18 nəfər Fələstinıjon şəhid bıən.