Bə İraği kişvər, İroni Şələmçə marziku əmtəə ixracatiro Ermənistoni taciron meyl

Ərvəndi ozodə məntəğə təşkiloti ko inkişof iyən investisiya muavin, bə İrağ İroni Şələmçə marzi royku ım kişvəri istehsolon iyən əmtəəon ixracati barədə de Ermənistoni taciron təvafuğiku xəbəş do.

Ermənistoni kişvəri "İran Ekspo" nımoyeşqo mərkəzədə iğtisodi məxsus iyən ozodə məntəğəon mehvəri ixracati zumandətion iyən investisiya pakəton nımoyeş doey hodisə bərpo bıə.

Ərvəndi ozodə məntəğə Farsi dıyo şimol ğərbədə de 37 həzo 400 hiktor və Abadan, Xorəmşəhr iyən Minoşəhri şəhron şomile ki Ərvənd və Karon ruon vırədəy.

Ərvəndi ozodə məntəğə de İrağ və Koveyti kişvəron hamsuyəe və bə roy, reyls, dıyo və həvo zərfiyəton xoto məxsusə əhəmiyətış heste.

Bə İrna raporti əsos, Ərvəndi ozodə məntəğə təşkilaton koon inkişof və investisiya muavin Ruhollah Xəzai votışe: metodon, hələkə roon iyən zərfiyəton ki karde bəznen Ərvəndi ozodə məntəğədə ğoymə investesiya zəminə icod bıko, bə Ermənistoni ko soybon iyən investisiyaəkəyon zıney bıən.