Qeneral Musəvi: sionist rejim ıştə hisob-kitobi zumandətiş çı dasto doəşe

İron İslom Respublika ərtışi həmmə komandir de işorə bə Fələstini muğaviməti qrupon Ələğsa Tufani əməliyoti işorə votışe: Ələğsa Tufani sionist rejimi rısvoçiyə məğlubiyəton bəpeşt, ıştə hisob-kitobi zumandətiş çı dasto doəşe.

Bə İrna raporti əsos, Ğomi milləti ictimaədə ki Fələstini millətiku himoyə kardeyro bərpo bıə İron İslom Respublika ərtışi həmmə komandir Qeneral Seyd Əbdul Rəhim Musəvi Ələğsa Tufani əməliyotədə de Fələstini muğaviməti səbarzəti təbrik votey əlovəş kardə: Ğəzzədə Əlməmədani noxəşxonə bombardımon qıləy fociə omiz iyən ğeyri insoniyə hodisə be.

İroni ərtışi həmmə komandir təkidış kardə: israil bəpe bızno ki har qılə bomba ki istifodə kardedə bəştə zəif iyən bezuə rişə qıləy təbə varid kardedə.

Qeneral Musəvi bəyonış kardə ki Fələstini məsələ, kofr və istikbori cəhbə de həx və islomi cəhbə daveon məsələy, əv ijən təsdiğış kardə: dınyoədə Fələstin yeqanə kişvəre ki bəşər həxon məsələ de dəvomin surət bəvədə darşiye bəbe və ım oşkoə zılm de sultə nizom və beynəlxalğə təşkiloton vositə himoyə bəbe.

İron İslom Respublika ərtışi həmmə komandir ijən Ğəzzə cinoyəton amilon mıhokimə kardey ozodə milləton tələb zınəşe və təkidış kardə: əvoni ki ımruj Fələstini milləti vədə istadeqi kardedən vey rə islomi ummətiku sili bəhardən.

Qeneral Musəvi Amerkə prezdenti ıştə muxatəb ğərorış do iyən votışe: dınyo həmmə vırəonədə çand milyon ozodə inson, be ım ki bə siloh ehtiyocışon bıbu, bənə şımə bə cəhənnəm daxil bəkan.

Seşəmbə sionist rejim, Ğəzzədə Əlməemədani noxəşxonə bombardımon kardışone və ım cinoyətkorə hərəkəti nəticədə iyən bə xəbəiyə mənbəon elani əsos, ım noxəşxonədə 500 nəfər Fələstini şəhid bıən.

Fələstini mıstəğilə təşkiloti rəyis Məhmud Əbbas Ğəzzə tanqə Əlməemədani noxəşxonədə etosniye dumoədə 3 ruj umumi əzo elanış kardə.

Im cinoyəti bənav həm dəvardə rujonədə sioniston 3 həzo Fələstinıjon şəhid kardışone.