Ğəzzə şəhidon miğdor bə 8306 nəfər rəsə; 3457 nəfər hırdənonin

Ğəzzə səhiyyə vəzorətxonə elanış kardə: tosə Abanə manqi 8 minnə ruj, bə ım məntəğə sionist rejimi həmləon şəhidon miğdor bə 8306 nəfər əlovə peydoş kardə.

Bə İran Peres aqentiyəti raporti əsos, zinə və canqi 24 minnə rujədə Ğəzzədə bə HƏMAS vabəstə bıə devləti səhiyyə vəzorətxonə sıxənəvot, şhidon miğdor bə 8306 nəfər əlovə beyku xəbəş do.

Bə ım vəzorətxonə bəyoniyə əsos, tosə ısət 21048 nəfər zəxmin bıən. İjən ım miğdor şəhidon miyonədə 3457 nəfər hırdən və 2136 nəfər həm jenin.

Ğəzzə səhiyyə vəzorətxonə ijən elanış kardə: sionist rejim zıne zıne bə ambulanson həmlə kardedə ta komək rosniye vəy bıqəto. Tosə ısət, 25 qılə ambulans tıpemoni cərəyonədə xərob bıən və həmzəman Ğəzzədə 25 qılə noxəşxonə fəaliyət həm be hərəkət bıə.

Bə Ğəzzə səhiyyə vəzorətxonə votey əsos, tosə ısət 1950 nəfər həm xərobəon jiədə mandin ki ım miğdoriku 1050 nəfər hırdənin.