Muğaviməti mehvəri nımoyəndəon bə Fələstinku himoyə təkid kardışone

İslomi koalisiya partiya iclosədə de “ Fələstin və be sionisti dınyo” unvan ki de muğaviməti mehvəri nımoyəndəon iştiroki bərpo bıə, bə sionist rejimi beynəlxalğə təzyiğ və məzlum və muğtədirə millətiku mudafiə kardey zərrurət təkid bıə.

Fələstini muğaviməti qrupon həmləon reaksiyaədə, bə Ğəzzə sionist rejimi dəhşətinə həmləon və ğeyri hərbiçion ğətli-am, Fələstini məsələ bə beynəlxalğə diğğəton mərkəz əvəz kardəşe.

Bə İrna raporti əsos, Tehronədə İslomi koalisiya partiya iclosədə İronədə bıə Fələstini İslomi muğaviməti hərəkət (HƏMAS) nımoyəndə Xaled Ğodomi votışe: Ələğsa Tufani oxo bə Ğudsi ozodi iyən ozodi bəhare.

Ğodomi ijən əlovəş kardə: Ğəzzə millət deştə səbri vositə, bəşəri vijdoni bə hərəkət vardışone.

Im iclosədə ijən İronədə Fələstini isloni cihodi nımoyəndə Nasır Əboşərif votışe: ehanə dave iyən canq hevuj bıbu, hiç kəs çəy bə nav şey aqah ni.

Tehronədə Livani Amel hərəkəti nımoyəndə Səlah Fəsh həm votışe: ım canqədə İsrail rejimi hədəf, Ğəzzəku Fələstinıjon ixroc kardeye, bəpe ım hədəfi vəy bıqətəmon.

Im iclosədə İronədə bıə İraği ali parlamenti nımoyəndə Maced Ğəmas həm votışe: İraği millət və hətto İraği devlət, siyassi qrupon və dini mərcəiyət, həmçınan Fələstini millətiku himoyə kardedən.

Im iclosədə İronədə bıə Yəməni səforətxonə sərkunsol Əli Əlhəmram votışe: Ğəzzə canqi əvvəliku Yəməni millət meydonədə deştə iştiroki vositə Fələstini məzlumə millətiku ıştə himoyə elan kardışone.