Ğəzzə təhəvvulaton barədə İron və Ğətəri xarıci vəziron məşvərəton

İron və Ğətəri xarıci vəziron telefoniyə votımonədə Ğəzzədə sionist rejimi təcavuz və Fələstini oxonə təhəvvulaton barədə məşvərət kardışone.

Oktiyabrə manqi 7minnə rujədə, Fələstini muğaviməti qrupon, de Ələğsa Tufan nomo əməliyoti vositə, bə sionist rejimi ələyh ıştə həmləon bino kardışone. ım məğlubiyəti bəpeşt, Telaviv, intiğom sıey hərəkəti çərçivədə, de şiddətin surət bə Ğəzzə həmləş kardə.

Bə Ğəzzə səhiyyə vəzorətxonə statestikaon əsos, sionist rejimi həmləon dumoədə, Ğəzzə şəhidon miğdor, 13 həzoku vey əlovə bıə ki ım miğdoriku vey jenon və hırdənonin. molki şahrvandon ğətli-am kardey və sioniston cinoyəton xəbəon nışo doeyədə ğərbi mediyaon be meyli dınyo tənğidon icodış kardə.

Bə İran Peres aqentiyəti raporti əsos, zinə İron və Ğətəri xarıci vəziron Huseyn Əmirəbdullahiyan və Şeyx Muhəmməd Ben Əbdulrəhman Ale sani telefoniyə votımonədə, işğol bıə sərzəminonədə cari vəziyətədə sionist rejimi qınohkor zıney bəpeşt, beynəlxalğə prinsipon oşkoə darşiye oqətey cəhətədə, israil rejimi məcbur kardeyro, beynəlxalğə ictima təcili hərəkət tələb kardışone.

2tərəf ijən Fələstini be pənohə milləti təcili komək kardeyro, bə islomi və ərəbi kişvəron həmkoəti zərurət təkid kardışone.

İron İslom Respublika prezdent iyən Ğətəri xarıci vəziron ijən bə Ğəzzə ələyh sionist rejimi canqi cinoyəton oqətey barədə siyosi oxonə təşəbbuson barədə məşvərət kardışone.