Ğəzzədə sioniston cinoyəton dəvom; şəhidon miğdor 14 həzoku vey bıə

Seşəmbə şəv Ğəzzədə Fələstini devləti məlumatərosnə ofis elanış kardə: bə Ğəzzə tanqə sionist rejimi təcavuzi bino beyku tosə ısət şəhidon miğdor bə 14 həzo 128 nəfər rəsə.

Bə İran Peres aqentiyəti raporti əsos, Ğəzzədə Fələstini devləti məlumatərosnə ofis elanış kardə: bə Ğəzzə sionist rejimi təcavuzi bino beyku, 14 həzo 128 nəfər əcumlə 5 həzo 840 hırdən və 3 həzo 920 jen şəhid bıən.

Im ofis ijən əlovəş kardə: 6 həzo 800 nəfəriku vey həm qim və ya avarə bin.

Ğəzzədə Fələstini devləti məlumatərosnə ofis ijən raportış do: tosə ısət bə Ğəzzə sionist rejimi həmləon cərəyonədə, 205 nəfər tib və damon kadron, 22 nəfər komək və nicoti ğıvvon iyən 62 nəfər jurnalist şəhid bıən.

Im raport ijən əlovəş kardə: zəxmin bıə kəson miğdor həm 33 nəfəriku vey bəpeye ki ım miğdoriku 75 fayiz jen və hırdənonin.

Oktiyabrə manqi 7minnə rujədə, Fələstini muğaviməti qrupon, de Ələğsa Tufan nomo əməliyoti vositə, bə sionist rejimi ələyh ıştə həmləon bino kardışone. ım məğlubiyəti bəpeşt, Telaviv, intiğom sıey hərəkəti çərçivədə, de şiddətin surət bə Ğəzzə həmləş kardə.