İron və Kuveyti ticori həmkoətion hevujəti

Kuveytədə İroni səfir, mıştərəkə ticori komitə icod kardey, ticori həmkoətion hevujəti, bəndər və qomroki baxşonədə xıdməton əncom deoey və zəmini royku ticori mıbodiləon əncom doey, 2 qılə kişvəri iğtisodi diplomatiya inkişofi vey muhimmə əbzaron zınəşe.

Bə təsnim aqentiyəti raporti əsos, Kuveytədə İroni səfir Muhəmməd Totonçi de Kuveyti cıvonon koon vəzir və sənaye və ticori vəziri vindemonədə 2 qılə hamsuyə və mısılmonə kişvəri mıştərəkə həmkoətion hevujəti barədə sıhbət kardışone.

Kuveyti sənaye və ticori vəzir, Muhəmməd Osman Ələbiyan həm, Kuveytədə İRoni tojə səfiriro muvəffəğiyət urzoş kardə və votışe: məntəğədə, İron İslom Respublika vey muhimmə rolış heste və bəpe ım zərfiyətiku 2 qılə kişvəri hamsuyəti zərfiyətiku istifodə kəmon.

Ələbyan Kuveytiro xorək əmniyyəti vey muhimm zınəşe və votışe: İroni de keyfiyətinə məhsulon, Kuveyti ictima ehtiyoce, əv ijən ıştə umu nışoş do ki de 2 qılə kişvəri xususi şirkəton və ticori sənədon vositə, 2 qılə kişvəri ticori mıbodiləon hevuj peydo bıko.