Əmirəbdullahiyan: Ğəzzə canqi nıoqətey ,məntəğə şərayiti kontroliku xarıc bəkarde

İroni xarıci vəzir votışe: Amerkə dəresedə ki Ğəzzə canqi oqətey nıkardey bois bəbe məntəğə şəroyet kontroliku xarıc bıbu.

İroni xarıci vəzir Huseyn Əmirəbdullahiyan pənoh vardə kəson qlobal asembliyə 2minnə iclosədə iştirok kardeyro bə Cenevrə səfərış kardə.

Bə İsna aqentiyəti raporti əsos, zinə Çoşəmbə Cenevrədə pənohəndəon qlobal asembliyə iclosi kənoədə İron İslom Respublika xarıci vəzir Huseyn Əmirəbdullhiyan de İndoneziya xarıci vəzir, Retno Mersodi vindemon və məşvərətış kardə.

Im vindemonədə Əmirəbdullahiyan 2tərəfi rabitəon inkişofiro bə mıştərəkə cəhdon əlovəş kardey işorə ijən 2 qılə kişvəri prezdenton miyono bə sazışon icro bıey əhəmiyyəti təkidış kardə iyən həminə cəhətədə bə Tehron səfəriro İndoneziya xarıci vəziriku dəvətış kardə.

İroni xarıci vəzir ijən dəvomədə de işorə bə ım ki Ğəzzədə iminnə mevzu bə sionist rejimi həmləon oqəteye ijən votışe: de diğğət bə ım ki Amerkə və israil rejim Ğəzzə canqədə bəştə hiç qılə hədəfon rəsəşon ni, dəvomədə pidəşone Ğəzzəro ıştə planon və təğibon komil bıkon.

Əmirəbdullahiyan ijən təkidış kardə: Amerkə bəpe de səhih surət dərk bıko ki bə Ğəzzə ələyh canqi oqətey karde bəzne vəziyəti vey mırəkkəb bıko və məntəğədə şəroyeti kontroliku xarıc bıko.

İndoneziya xarıci vəzir Retno Mersodi həm ım vindemonədə məntəğə və 2tərəfi mevzuon barədə mıştərəkə məşvərəton dəvomiku ıştə şoəti nışoş do iyən Ğəzzədə şəroyeti saxt və niqəronəkə zınəşe və bə Ğəzzə ələyh həməlon oqətey cəhdon dəvomi zərorət təkidış kardə.