Fələstini milləti muğavimətədə şəhid Suleymani rol(6)

Fələstini milləti muğavimətədə şəhid Suleymani rol(6)

Muhəmməd Əlbərim(Əbu Mucahid) Fələstıni Milli Mığoviməti Komitə İnformasiyə ofisi məsul şəxs qıləy ekskluzivə interviyuədə çe hac Ğasım Suleymoni bə işğal bıə Fələstıni çandə nev siloh rosneyədə bıə roliku jıqo sıxan votedə:hac Ğasım Suleymoni iminə kəsbe ki,”Qrad” rəketonış bə Ğəzzə daxilış karde.

In rəketon işğalqərə rejimi çe Ğəzzəku xaric bıey bədiqə daxil kardey be və Fələstıni mığovimət deçəvon vositə Əsğəlan iyən Birussəb`-ədə 20 tosə 40 kilometri məsofədə muhimmə hədəfon hədəf ğərol doeyışon zıne.bənə “korneti” erjinə silohon bə Ğəzzə daxil kardey həm ki,inev mecuzə be,de Xıdovəndi lutfi iyən de hac Ğasım Suleymoni təvəssuti real be və bə həyğət rəse.

Muhəmməd Əlbərim milodi 2012-ə sori çe Həmasi de seonist rejimi miyono caqnədə bə Ğəzzə tanqə Fəcr 3 və 5 rəketon vığandeyku sıxan votedə ki.

Bo iminə kərə bo tel-avivi hədəf ğərol doeyro çəyku oko doey be,əlovəş karde: deməkə ki,dışmenə seonist rejim ziyodə səyonış karde ta çe Fələstıni mığoviməti ğudrəti inkorko,tel-aviv bo iminə kərə çe Fələstıni mığoviməti torıxədə çı Ğəzzə tanqəku de ın rəketon təvəssuti bombaron be və ın noiliyyət bə hac Ğasım Suleymoni be ki,Ğəzzə tanqədə ın hərbi struktırış icod karde və həmçinin silohi bə mığoviməti dastə rosneyədə siloh vığandey həm nəzorətış hestebe.