Fələstini milləti muğavimətədə şəhid Suleymani rol(10)

Fələstini milləti muğavimətədə şəhid Suleymani rol(10)

Livani Hizbullah Hərəkoti yoli mıovin Nəyim Ğasım həm Tehronədə dəvordınə bıə çe Şəhid Hoc Ğasım Suleymoni məktəbi beynəlxalğə iminə iclosədə izhorış karde:”İrağədə çe İroni sərzəminiku Şəhid Hoc Ğasım Suleymoni iyən çe İraği sərzəminiku Əbu Məhdi Əlmuhəndisi şəhodəti təfrığəş bə oxoş rosne və zəminəş bo Mığovimət cəbhə ziyodə himoyəro hozzış karde.Şəhid Hoc Ğasım Suleymoni bə xolisə İslom iyən pəyğombəri Əhli-Byeti(s) aşığbe və sabitış karde ki,yeqanə şəxse ki,kardeyış zıne İslomi dınyo çe seonist rejimi vədə i və mıttəfığ bıko.çe cihodi hiç qıləy hədd və marzış ni.

Şəhid Hoc Ğasım Suleymoni çe məzlumo kənoədə jimonış karde.mı deəy kardə didononədə,Şəhid Hoc Ğasım Suleymoni deməkə ki,qıləy hərbiçi be,əmə əvımon bənə bə reqiyoni hodisəon aqah bıə qıləy fərd iyən rəhbəri vindemone.çımonsə əlovə əv bə İslomi həmməysə hırdə hukm iyən məsələon rioyət kardedəbe və de cəmyət,millət iyən məzlumon bə ico be.ın nışon doydə ki,cihod fəğət siloh bə dast qətey ni,bəlkəm bə əxloğ iyən imoni soyb beye ki,qırd ın sıfəton de silohi canqi kəno mevcude.Suleymoni ıştə həmmə səyonış bo mığoviməti ğıvvon həmmə miyono vəhdət icod kardero sərfış karde.deməkə ki, çəvon miyono ixtilof hestebe,əy cəhdış karde qırd əvoni bo iqlə hədəfiro iyande kəno ğərol bıdo.Şəhid Hoc Ğasım Suleymoni konfranson iyən icloson bərpo bıə zəmonədə bənə qıləy diyəro fik kardə rəhbəri be və həyğiyə mənoədə bə ayəndə qıləy çəşış hestebe və ləzə iyən ani fik kardedənıbe”.

Livani Hizbullah Hərəkoti Siyosi Şurə uzv bıə Məhmud Əlğumati həm Şəhid Hoc Ğasım Suleymoni çe israyili rəketi mıhosirə ideyə soyb zıneydə və votedə ki,ın fik və ideya de səbarzəti icro kardey be.Əv de Təsnim aqentəti mısohibə iqlə baxşədə  votəşbe:”Hoc Ğasım Suleymoni bəştə innovatik iyən nuyə rufiyyə xoto,mığoviməti himoyə kardedəbe.