Beynəlxalğ Cinoyət Məhkəmə tərəfiku Ğəzzədə çe israyili kardə genosidi bərrəsi kardey

Beynəlxalğ Cinoyət Məhkəmə tərəfiku Ğəzzədə çe israyili genosidi bərrəsi kardey

Cənubi Afrikə dəvardə dekabrə manqi 29-ə ruji Haağə Məhkəmə təcili surətədə Ğəzzədə bə israyili genosidi ittihomi rəseyış tələb karde.

Bə Ğəzzə milləti zidd seonist rejimi vəhşiyonə cinoyəton iyən ğətlı-am bın dəvardə se naqi dırozi bə bəşəriyyəti ələyh çe genosud iyən tuməbıri qıləy komilə nımunəy,ısət çı Hollandəyə Haağə şəhrədə bıə Beynəlxalğ Cinoyət Məhkəmədə bərrəsi iyən təhğığ kardey beydə.Bə Cənubi Afrikə devləti israyili tərəfiku bə Ğəzzə canqədə genosidi irtikobi xoto doə bıə şikoyət milodi dəvardə dekabrə manqi bə Beynəlxalğə Cinoyət Məhkəmə təğdım kardy be və dəvardə pencşambə ruji yəni milodi Yanvarə manqi 11-ə ruji bərrəsi təhğığ kardey be.

Beynəlxalğ Cinoyət Məhkəmə əsosnomə milodi 1998-ə sori İyulə manqi 17-ə ruji bə İMT Umumi Assmableya çe İtalyə Romə şəhrədə bekardə ğanuni səbəb be  və milodi 2002-ə sori İyulə manqi 1-ə ruji icro kardey be.peşo Beynəlxalğ Cinoyət Məhkəmə həm milodi 2003-ə sori bənə çı İMT nəzdədə həmməysə aliyə Məhkəmə unvoni və bənə iminə dayimiyə Beynəlxalğə Cinoyət Məhkəmə unvoni bo bə məxsusə bəisə cinoyəti koon rəseyro təsis kardey be.

Romə Beynəlxalğ Cinoyət Məhkəmə əsosnomədə uzv bıə kişfəron 123 qılə kişfəronin ki,çımonku 33 qılə bə Afrikə məmləkəton ,19 qılə Asiyə-Okeyaniyə kişfəron,18 qılə bə Şərği Avropə,28 qılə latın Amerkə məmləkəton iyən Karayibi sahə və 25 qılə həm ğərbi Avropə kişfəronin.

Beynəlxalğ Cinoyət Məhkəmə ki,bəştə əsosnomə əsos,bə çoqlə cinoyəton qrupi rəseydə ki,ımon bə bə tuməbıri,bə bəşəriyyəti ələyh cinoyət,canqi cinoyət iyən təcavyzi cinoyəti şomil beydə ki,çın məhkəmə məğərr iyən məkon çe Hollandəyə Haağə şəhrədə ğərolış heste.

Bə ın məhkəmə uzv bıə kişfəron vəzifəşon heste bəçəvon şəhrvandon zidd ittihomiku bəhs kardə və ya bəçəvon hakimiyyəti jiyədə bıə sahə daxil bıə mıttəhəmonku bəhs kardə zəmonədə,əvoni dastqir iyən bo Beynəlxalğ Cinoyət Məhkəmə təhvil doey bıbu və ya daxili məhkəməonədə bəçəvon cinoyəton rəsey bıbu