Bə Ğəzzə tanqə qenosidəkə israyili rejimi həmləon vəy qəteyro İroni tələb

İroni xarici koon vəziri vəzifə icroəkə qenosidəkə israyili rejimi Ğəzzə tanqədə bə Fələstini milləti ələyh hucumon oqəteyro effektivə səyon ziyod kardeyış tələb kardə.

Bə Tele-Rədyo xəbə aqentəti doə məlumoti əsos,İMT Fələstin iyən multilatralizm iyən veytərəfinəti sahədə Əmniyyət Şurə iclosədə iştirok kardero bə Nyu-Yorki səfə kardə İroni Xarici Koon Vəziri vəzifə icroəkə Əli Bağıri Kəni de Sər Assambleya rəyis Dennis Francisi dido iyən çe regional və beynəlxalğə məsələon barədə min cumlə çe seonist rejim Ğəzzə tanqədə bə fələstınıjon zidd bıə vəhşiyə həmləonışon mızokirə kardəşe.

İroni Xarici Koon Vəziri vəzifə icroəkə bə Fələstin iyən Ğəzzə tanqədə bə əməl omə oxonə hodisəon və bə seonist rejimi cinoyəton işorə kardə holədə,bə Ğəzzə tanqə milləti ələyh hucumon oqətey və qenosidalə seonist rejimi bə fələstini xalği zidd bə əməl vardə cinoyəton oqəteyro bə təsirinə səyon ziyod kardey təkidış kardə.

Bağıri Kəni çe İroni de beynəlxalğə təşkiloton ıştə həmkoəti prosesi izoh kardə holədə, Sər Assambleyə de I tərəfinə sanksiyəon anqıl cəhdonış barz qəte.İroni reqiyonədə bıə konstruktivə roli xususən sabitəti iyən əmniyyəti təmin kardeyədə bıə təsirinə roli barz qətə İMT Sər Assambleyə sədr həm ın cur səyon de ovandəti bə ico bəey umu kardeyış bəyon karde.İroni Xarici Koon Vəziri vəzifə icroəkə de Fələstini əloğədor Əmniyyət Şurə iclosədə,

Həmçinin multilatralizm sahədə Şurə iclosədə iştirok kardero dışambə ruji de bumiyə zəmoni bə Nyu Yorki səfə kardə.çəy kişfər bə İMT Əmniyyət Şurə sədrəti kardə de Rusiyə xarici koon vəzir Serqey Lavrovi sədrəti,Əmniyyət Şurədə dıqlə iclos bərpo bəbe.