İroni hukuməti sıxanəvot:se qıləynə ləpəkon çe Yolə İroni i poən.

İroni hukuməti sıxanəvot:se qıləynə ləpəkon çe Yolə İroni i poən.

İroni hukuməti sıxanəvot:se qıləynə ləpəkon çe Yolə İroni i poən.

İroni hukuməti sıxanəvot çı Avropa İbemoni de İroni se qılə cəzirə anqıl oxonə mıdoxilə və haşiyə icod kardə bəyonoti cəvobən bəyonış kardə ki,Bumusa,Dıjdə Tonb və Hırdə Tonbi ləpəkon çı İroni i poən və hissən.

Bə İRNA doə məlumoti əsos,İroni hukuməti sıxanəvot Fatmə Muhacirani X sosial şəbəkədə bə Avropa İttifoği və Farsi Kandovi Həmkoəti Şura oxonə mıştərəkə bəyonoti cəvobən nıvıştəşe ki, İroni ərazi təmomiyyt çı kəno şəxson mızokirəro cəsorət kardə qıləy məsələ ni.

İroni hukuməti sıxanəvoti əlovəş kardə ki,Avropa İbemoni və Farsi Kandovi Həmkoəti Şura bə Yolə İroni zəmini mınosibət nışon doey iğtidorədə nin.se qılə Bumusa,Dıjdə Tonb və Hırdə Tonbi ləpəkon Farsi Kandovədə və Hormuzi luki neziye ki,əvon çe Həxaməneşi ya Əhəməniyon devriku çe İroni hakimiyyəti jiyədə bıən və bə etıborinə torıxi sənədon əsosən çı İroni tərkib hissə hisob beydən.Bın rujonədə Avropa İttifoğ iyən Farsi Kandovi Həmkoəti Şura mıştərəkə bəyonoti oxonə bəndədə de İroni se qılə cəzirə anqıl kanə beəsos və himoyə nıbə iddiyonışon təkror kardə.