İron çe Livan iyən Mığoviməti kəno

İron çe Livan iyən Mığoviməti kəno

Deməkə ki,çe Həmasi Hərəkoti təsis beyədə qıləy rolış bıəni,əmmo dəvomədə ciddiyə surətədə əvış himoyə kardə.Həmas bə Fələstıni Mığoviməti coqlə qrupon əks,de İslomi-ərəbi mıxtəlifə kişfəron qıləy hevujə rabitəonış bıə və çe hərbi fəoliyyətonku əlovə lokal vıjnemonədə de siyosi fəoliyyəton həm məşğul bıə.Həmas milodi 2006-ə sorədə bıə parlamenti səçınədə kursi əksəriyyətış kəsb kardeyış zıne. Həmasi səçınədə bıə səbarzətiku bilafosilə amerkə ibıə ştaton bə çın vıjıni nəticəon etırozış karde və de məntəğə kişfəron bə ico ıştə mıxolifətış nışon doe və de maneyə icod kardey,səyışon karde Fələstınədə Milli Vəhdəti hukumət təşkil nıbu.bə qırd ın təzyiğon rəğmən,Həmasi Milli Vəhdəti hukumət təşkil doeyış zıne və amerkə bo Fələstınədə de Milli Vəhdəti hukuməti təşkili mıborizə bardero çe Dayton planiku bəhsış karde ki,çın plani həmməysə muhimmə hədəf Milli Vəhdəti hukuməti zəyif kardey və tənəzzul be.nəhoyətən həm de daxili canqi bə əməl omey,Milli Vəhdəti hukumət volo be və Fələstıni Moxtar Təşkiloti hukumətış və hakimiyyətış bəştə dast qəte və Ğəzzə tanqə həm çe 2006-ə soriku de tobə ısət bə sehyonist rejimi har tərəfinə mıhosirə eqıniye.

Fələstıni İslomi Cihod çe Fələstıni Mığoviməti coqlə qruponku qıləyniye ki,1981-ə sori təsis kardey be və ıştə fəoliyyəti sıftəku ıştə hədəfış de silohinə mıborizə roy Fələstıni ozod kardey və islomi hukuməti təşkil kardeyış elon karde.İslomi Cihod bə sehyonist rejimi ələyh sulhamziə etıroz iyən aksiyəonış befoydə zıneşe.zira bə dışmeni qıləy tələfot daxil kardedəni.qıləy dışmen ki,de qıləy xunsardəti hırdənon bə ğətl rosneydə.

Livani Hizbullah çe livani ın İslomi Mığoviməti qrup vey rə və Ğəzzə canqi maşkinə rujiku bo Ğəzzə bemıdofiyə iyən məzlumə mərdumi himoyəro de sehyonist rejimi mıborizə bardero bə canqi meydon daxil be və deştə xısusi hərbi ğıvvon bə İşğal bıə Sərzəminon səmt vığandey,Mığoviməti mınəzzəm və bə hisobi əsos ıştə bə sehyonist rejimi unsur iyən hərbiçiyon ələyh bıə əməliyyotonış icro karde.əsliyə mevzu iyoe ki,Livani Hizbullah deştə şucoətinə sər katib şəhid Seyd Həsən Nəsrullah rəhbərəti vey rə  İşğal bıə Sərzəminon şimoli səmtış bo sehyoniston no orom və noəmn kardeyış zıne və de sehyonistnıştə marzi şəhron hədəf ğərol doey,bə çın məskun bıə şəhron əhali çəyo fərol kardey iyən bəçəvon avarə və sərqərdonəti boyis beyış zıne.qıləy amil ki,bə tel-avivi ziyodə siyosi iyən psixoloji təzyiğon daxil bey səbəb be.çe tel-avivi səyvonon və məğamaton və həmçinin çe israyili rejimi ləşkəri hərbi komandoon çandə kərə ıştə sıxanonədə de mıxtəlifə şivəon çe Hizbullah kardə həmlə iyən əməliyyoton oqəteyışon tələb kardə.əmmo Hizbullah sər katib şəhid Seyd Həsən Nəsrullah iyən çı Livani İslomi Mığoviməti qrupi coqlə rəhbəron yeqanə roşon çe Ğəzzə canqi oqətey iyən de işğalqərə sehyonit rejimi dasti bə fələstınıjon ələyh bıə təcavuzi maşini iyən cinoyəton oqteyışon unvon karde.sehyonit rejim peşo mışohidəş karde ki, de Ğəzzə canqi bino beyku i sor dəvardey,bə Livani Hizbullah əməliyyot iyən həmləon mane bey zıneydəni,əve çı Livani İslomi Mığoviməti qrupi rəhbəron hədəfinə terrori siyosətış bənav barde və çı Livani Hizbullah çandə da qılə yolə komandiron terror kardey bəpeşt,peşo çe Livani Hizbullah sər katib Seyd Həsən Nəsrullahış şəhid karde.çe israyili rejimi ın terroristə iyən dəhşətinə hərəkət həm bə Livani Hizbullah bə İşğal bıə sərzəminon səmt həmlə və əməliyyyoton dəvomi mane bey nızıne və çe Mığoviməti mıborizon çı Mığoviməti cəbhə ın yolə komando şəhodəti bədiqə həm bə israyili rejimi zidd bıə əməliyyoton idomə doydən və hətto oxonə rujonədə əmə bə İşğal bıə Fələstıni sərzəmini mıxtəlifə noxtəon səmt hevujə həmləon həm şoydimon...