sehyonist rejimi baykot
sehyonist rejimi baykot
sehyonist rejim nəyinki,ısət bəy nez bıə onemonon min cumlə bə elmi mərkəzon iyən unversteton ələyh torıxədə nıbə sankisiyəon şoyde,bəlkəm ısət ım sanksiyəon bə ğərbi iyən israyili şirkəton miyono bıə bə hərbi iyən təslihoti həmkoətiyon səth və səviyyə hevuj bıə.bın zəminədə hətto Avropə kişfəron həm de israyili təslihoti və silohi şirkəton həmkoəti zəminədə bə qıləy nuyə nəzə səmt dim qətəşone.Royterz xəbə aqentəti çe dıqlə aqahə mənbəku xəbə doydən ki,fransə çın kişfəri dıyo ğıvvon siloh nımoyişqoyədə çı sehyonist rejimi şirkəton huzur iyən iştirokış ğədəğənış kardə.ın hisbot ki,oktyabrə manqi 16-ə ruji mıntəşir və pevolo be,israyili şirkəton iştiroki ğədəğən beyış,çe fransə de sehyonist rejimi miyono haruj ziyod bıə ixtilofonku co qılə nışonəş unvon kardə.fransə çımi bənav həm ımsornə cari milodi sori sıftədə co qılə silohi nımoyişqo bərpo kardə zəmonədə həm,çe sehyonist rejimi şirkəton huzur iyən iştirokış ğədəğənış kardəbe.
Fransə mıdofiyə vəzərotxonə votedə ki,madam və çanədə ki,çın kişfəri prezdent emmanuel makron çe israyili Ğəzzə tanqədə bıə bərbi əməliyyoti oqətey tələb kardedə,çe sehyonist rejimi şirkəton çe fransə silohi nımoyişqoədə huzur iyən iştirokış mınosib ni.de ın holi çe israyili kali avropəvıjə mıttəfiğon məxsusən almaniyə iyən britaniyə ijən ın rejimi mevğıyyəton himoyə kardedən və bə ın rejimi de silohi təmin kardey koy dəvom doydən.əvon hərbi təzhizoton bo sehyonist rejimi tədaruk vindedən və hətto Ğəzzə canqi cərəyonədə çe israyili rejimi bə mulki şəxson ələyh kardə ğətlı-am iyən cinoyəton həm mıdofiyə kardedən.bın cəhətədə oktyabrə manqi 10-ə ruji de sehyonist rejimi bə Ğəzzə tanqə kardə həmlə ki,milodi 2023-ə sori oktyabri 7-ə ruji bino bey iminə sorəqardışi mınosibəti,çe almaniyə fedaral parlamenti iclosədə çın kişfəri xarici koon vəzir analina baurbuki sıxanon,de hevujə şikilədə bıə rekasiyəon dimbədim ome.almaniyə xarici koon vəziri bın iclosədə,Həmasi uzvon çe mulki şəxson cəm bıə vırə iyən məktəbonədə punhon bey barədə iddiyoş kardə və votəşe:həlbəttə ıştəni mıdofiyə kardey terroriston çe miyoniku bardeye,nəyinki,bəvon həmlə kardey.əy əlovəş kardə:bə həmonə dəlili xoto,mı bə İMT izohom doe ki,ğeyri-hərbi məntəğğon mumkine ıştə muhafizə bıə status və vəzyəti bə terroriston suyi-istifodə kardey dəlili xoto çe dasto bıdo.həlbəttə
çe almaniyə xarici koon vəziri ın sıxanon de İMT reaksiyə dimbədim ome.çe İMT Fələstıni koonədə bıə xısusi mə`ruzəçi Françeska Albaniz oktyabrə manqi 15-ə ruji çe analina baurbuki de sehyonist rejimi təvəssıti Ğəzzə tanqədə çe Fələstıni avarə və sərqərdon bıəyon məkoni bombardımon kardey barədə bıə sıxanonış məhkum kardə və bə beynəlxalğə səviyyədə cinoyəton mırtəkib bıə kişfəri himoyə kardey ğanuni ağıbəti nisbətədə, çəşnavi və xəbərdorətiş doə....
