Ərağçi bo israyili təcavuzon oqəteyro bə kişfəron səfərbərəti təkid kardəşe

İron İslom Respublikə xarici koon vəziri təkidış kardə ki,seonist rejimi təcavuz iyən bo Suriyə məhf kardey vəy qəteyro reqiyoni kişfəron dərhol və effektivə səfərbərəti və çəvon ibemon zəruriye.

Ərağçi bo israyili təcavuzon oqəteyro bə kişfəron səfərbərəti təkid kardəşe

İron İslom Respublikə xarici koon vəziri təkidış kardə ki,seonist rejimi təcavuz iyən bo Suriyə məhf kardey vəy qəteyro reqiyoni kişfəron dərhol və effektivə səfərbərəti və çəvon ibemon zəruriye.

Bə Tele-Rədyo xəbə aqentəti doə məlumoti əsos,İroni xarici koon vəzir Seyd Əbbos Ərağçi zinə şəvi(çoşanbə)çe seonist rejimi təcavuz iyən bə Suriyə xərobə kardey işorə kardə holədə təkidış karde ki,ın rejimi votey bəbe ki,Suriyədə qırd mulki iyən mıdofiyə infrastrukturonış məhf kardə. Ərağçi əlovəş kardə ki,seonist rejim milodi 1974-ə sori mığovilə iyən Əmniyyət Şura 350 rəğəminə ğətnomə darıştə  holədə Suriyədə həni həm veyə əraziyonış işğal kardə.

İroni Xarici Koonr Vəziri əlovəş kardə:ım,har qıləy ğeyri-ğanuni təcavuzi navi qəteyro iminə nevbədə məsul bıə İbıə Milləton Təşkiloti Əmniyyət Şura bə AİŞ mane bey səbəbiku bə

Passivə seyrəkə peqardə.Ərağçi təkidış kardə ki,çı Suriyə hamsuyəon,həmən ərəb iyən islomi dınyo və əslədə bə ğanuni ali bey,bə İMT Nizomnomə əsosə prinsipon və bə beynəlxalğə həxon əhəmiyyət doə bə İMT uzv bıə har qıləy kişfər betafut mandey əzıni.

Tolışə xəbon:

1-De Doktor Şəhram Çeraci Çerudeh tədğiğot iyən mıəllifəti “Qilon iyən Tolışon hakimiyyəti torixiku bıə hissəon” kitob nəşr bıə.bın kitobədə İroni mıosirə torixədə çe Rabino casusəti rol və Cənqəli hərəkoti bə iflosi dıço bey həxədə materiyalon,Mir Məsudi xıyzon və Çerac nəsli həxədə bərrəsi iyən təhğiğotonış bardə və çın dıqlə aylə çe Qilon iyən Tolışon hukmronəti torixi həxədə materiyalon və həmçinin çe İroni şimoli sıftənə ğəbiləon və ayinon həxədə mətləbon mevcude.Kitobi oxonə səyfəonədə çe Tolışi mıxtəlifə şəxsiyyəton ğəşənq və erjinə fotoon çap kardey bıə.Dr.Şəhram Çeraci Çerudeh zəmini muhəndisəti sahədə məzun və çı loyihə idorə kardey sahədə fəlsəfə doktor iyən Tolışon Pərəsar Universitetədə dosente.ın kitob de Kərəci Fərayin nəşriyyati təvəssıti çap kardey bıə