sehyoniston 70%-sə veyni de Ğəzzə canqi oroxney rozin
sehyoniston 70%-sə veyni de Ğəzzə canqi oroxney rozin
sehyoniston 70%-sə veyni de Ğəzzə canqi oroxney rozin
seonist “Məaryo” qəzeti parsemoni nəticəon nışon doydə ki,işğal bıə əraziyonədə bıə sehyoniston 70 fayiz de Fələstini mığoviməti əsiron mubadilə və bə Ğəzzə tanqə zid canqi təmom kardey barədə bə roziyəti omeyışon piyedə.
Cımə ruji bə IRNA sitat vardə "Səhab" şəbəkə raporti əsosən;sehyonistə “Məaryo” qəzeti parsemoni əsosən,işğal bıə əraziyon sakinon hisob kardedən ki,israyili rejim çın roziyəti erj otəşvəs həm bıbu,bo Ğəzzə tanqəku qırd əsiron oqordıneyro hartərəfinə roziyəti noyil beyro səy nışon doəninin və canqi təmom kardəninin.ın parsemon qıləy holədə əncom doey bıə ki,seonistə mediya bo bə əsiron mubadilə roziyəti noyil bey royədə bə maneyəon peqardə bəzi əsosə məsələon,ə cumlə israyili ləşkəri Filadelfiya mehvərədə mandey və məhbuson ozod kardey roon iyən deçəvon rəğəmon məşğul bıə zəmonədə bardey bıə.
Çoşənbə ruji işğal bıə Fələstin əraziyonədə 200 qılə seonistə məktəbon tələbələon işğal bıə əraziyon mıxtəlifə məntəğonədə bə israyili rejimi Vəziron Kabineti siyosəton ələyh nımoyişon bərpo kardə holədə,de Həmasi çe əsiron mubadilə roziyəti tələb kardəşone.Bın miyono çı israyili rejimi sər vəzir Benyamin Netanyahu Ğəzzə tanqədə bə otəşvəsi zidd beşey çın rejimi məhbəsonku fələstinijə məhbuson ozod kardey mığobilədə seonistə zindoniyon ozod kardeyro roziyəti bə dast vardero imkononku imtino kardəşe və israyili rejimi canqi təyyorəon vəhşiyə formədə çın vırə mıxtəlifə məntəğon bomabradımon kardə zəmonədə çandə qılə məhbuson kıştə bıən.
