De Həzrət Zeynəb(s) rehləti sorəqardışi mınosibəti səbəsəloməti(+məxsusə bərnomə)

İslamiyə İron Həzrət Zeynəb(s) rehləti sorəqardışədə ğəm və matəmədəy.

Imruj 5 şanbə Hicri Ğəməri 1446 minnə sori rəcəbə manqi 15 bərobər de 2025 minnə sori Yanvari 16, islami əzizə peyğəmbəri nəvə və Həzrət Fatimə(s) və dınyo şiəyon 1 minnə imom Həzrət Əli(ə) kinə, Həzrət Zeynəb(s) rehləti sorəqardışe.

Həzrət Zeynəb(s) ıştə əzizə bıvə dınyo şiəyon 3 minnə imom Həzrət İmom Huseyn(ə)-i kənoədə de  xətoə cəriyanon vədə mubarizə kardəş be, həmonə cərəyonon ki bə İslomi mudafiə kardey nom, Kərbəloədə qıləy yolə faciə icodış kardə bin.

Həzrət ıştə əzizə bıvə İmom Huseyn(ə) və çəy bəfodorə əshabi bə şəhodət rəse bəpeştə de əhlebeyte ismət və təharət(ə) ailə bə əsorət bardə bin əmmo həminə əsorətdə de hərarətin və məntiğiyə xutbəon, bənioməyyə be foydə və fəsotinə mahiyyətış oşko karde.

İmom Huseyn(ə)-i xuninə ğiyam, Həzrət Zeynəb(s) kofə iyən Şamədə bə Yəzidı fəsodədə bə hukuməti zid sıxanon bəyon kardeədə iyən İmom Huseyn(ə)-i  ğiyami hədəfon və fəlsəfə həmişəro əbədiş kardə.

Həzrət Zeynəb(s) Hicri Ğəməri 63 minnə sorədə bə rəhmət şə.

İron İslam Respublika telerədyo de Həzrət Zeynəb(s) rehləti sorəqardışi mınosibəti bə həmmə mıslmonon xususi şiəyon təsliyət votedə.