İroni Xarici Koon Vəzir:otəşvəsi roziyəti çe Ğəzzə xalği sabitəti nəticəy

İroni Xarici Koon Vəzir:otəşvəsi roziyəti çe Ğəzzə xalği sabitəti nəticəy

İroni Xarici Koon Vəzir:otəşvəsi roziyəti çe Ğəzzə xalği sabitəti nəticəy

İroni Xarici Koon Vəzir Ğəzzə tanqədə otəşvəsi roziyətiş çe mığovimət qrupi sabitəti və dastəqi,min cumlə çe Yəməni milləti bə məzlumə Fələstini xalği şərəfinə dastəqi nəticəş hisob karde.

Bə Səhab şəbəkə bə İRNA istinodən doə xəbə əsos,İron İslom Respublikə Xarici Koon Vəzir Seyd Əbbos Ərağçi de Yəməni Xarici Koon iyən Mıhociron Vəzir Cəmol Əhməd Əli Amiri telefonə qəpədə çe Yəməni otəşvəsi roziyəti icod beyədə bıə vey muhimmə rolış bə yod dənoe və voteşe:15 manqnə cinoyət və qenosidi bədiqə seoniston bəştə yavə məğsədon noyil bey nızınin və bə səbrin iyən mığovimətinə Fələstini milləti irodə təslim bin.

Ərağçi həmçinin çe İMT sər katibi Yəməni məsələon sahədə bıə xususi nımoyəndə bə Tehroni bıə oxonə səfə işorə kardə holədə,bın sahədə bıə muzakirəonış foydənin iyən və təsirinış hisob karde.İroni Xarici Koon Vəzir Seyd Əbbos Ərağçi çe İron İslom Respublikə bə Yəməni hukumət iyən milləti bıə dəvominə dastəqi təkid kardeşone.

Cəmol Əhməd Əli Amir həm Ğəzzə canqədə otəşvəsi roziyətiku ıştə məmnunətiş ifodə kardə və bəyonış kardə ki,Yəməni hukumət çe otəşvəsi roziyəti icro təğib kardedə və bə Fələstini milləti dastək doeyro omə qəmon tərz,çe əks tərəfi bə otəşvəsi rejimi rioyət kardey iyən bə Fələstini milləti zidd tuməbıri siyosəti təmomən oqətey mevğeyiku bə şıkrə bəbe.

Yəməni Xarici Koon Vəzir həmçinin de Yəmənədə bıə oxonə məydon iyən sahə hodisəon anqıl hisobotış təğdım kardə və çı İron İslom Respublikə bəştə dışmenon təcavuzi ələyh bə Yəməni hukumət iyən xalği doə siyosi və mənəvi dastəqış barz qəte.

Milodi 2025-ə sori 15 yanvar Ğətəri hukumət çe Fələstin iyən sehyonist rejimi miyono Ğəzzə tanqədə bo bə otəşvəsi dast pəydo kardero səyon bə nəticə rəseyış elon karde iyən ın otəşvəsi roziyəti ım rujnə işambə rujiku etıborən icro kardey bəbe.