Məhəmməd Zeyfi şəhodəti HƏMAS-i tərəfiku təsdığ kardey
Məhəmməd Zeyfi şəhodəti HƏMAS-i tərəfiku təsdığ kardey
Məhəmməd Zeyfi şəhodəti HƏMAS-i tərəfiku təsdığ kardey
Şəhid İzzədin Əl-Ğəssam batalyonon sıxanəvot çın batalyoni sər komandani Ğəzzə canqi zəmonədə şəhid beyış təsdığ kardə.
Bə Səhab şəbəkə bə İRNA istinodən doə məlumoti əsos, Fələstini İslomi Mığovimət Hərəkoti(HƏMAS) hərbi kəş bıə İzzədin Əl-Ğəssam batalyonon sıxanəvot Əbu Ubeydə votəşe: Məhəmməd Zeyf,de çın batalyonon komandiron bə ico Ğəzzə canqi zəmonədə şəhid bıən.
Əbu Ubeydə əlovəş kardə:Məhəmməd Zeyf(Əbu Xalid) çı Əl-Ğəssam batalyonon sər komandan de Mərvan İsa(Əbul Bəra) Əl-Ğəssam batalyonon sər komandiri muavini,Ğazi Əbu Təma(Əbu Musə),siloh və canqi xıdməton şebə komandir Rayid Sabit və insonə resurson şebə komandir Rafi Səlamə (Əbu Məhəmməd),Xan Yunis diviziya komandir Əhməd Əl-Ğəndur(Əbu Ənəs),şimol məntəğə komandir Əymən Nofəl və de Əl-Ğəssam Batalyonon Mərkəzi Məntəgə Diviziya komandiri(Əbu Əhməd) bəico Ğəzzə canqi zəmonədə şəhid bıən.
HƏMAS Hərəkoti de Məhəmməd Zeyfi şəhodəti mınosibəti doə bəyanotədə jıqoş elon kardə:In yolə sərkərdə,komandir və çı mığoviməti ğəhrəmonon çe İsar iyən İftixori meydonədə,çe “Ələğsa tufoni” canqi ovc iyən pik həddədə və bə ın torixi canqon rəhbərəti kardə və əy idorə kardə holədə şəhidəti feyz iyən lutfışon kəsb kardə.
