Admiral İroni:İroni Hərbi Dıyo Ğıvvon nəzə de duston hartərəfinə əloğəy

İron İslom Respublika Hərbi Dıyo Ğıvvon komandani çın ğıvvon nəzəş de dustə kişfəron bə hartərəfinə əloğəon əsos beyış bəyon kardə.

İroni Hərbi Dıyo Ğıvvon komandan kontr-admiral Şəhram İroni seşambə şəvi zəmonədə bəyonış kardə ki,dıyo ğıvvon beynəlxalğə arenaonədə de zumandəti zohir beyış zınə və diyəroə ovonədə çe İron İslom Respublika mənafeyonış mıhofizə kardə.

Bə "Pars Tudey" doə məlumoti əsos,İroni Hərbi Dıyo Ğıvvon komandani əlovəş kardə:Tobə ısət 103-sə ziyodə İroni floton bə ozodə ovon vığandey bıən və holı-hozıədə dıqlə hərbi kəşti əraziyonədə ıştə vəzifəon bə vırə rosneydən.Admiral İroni çe İroni Hərbi Dıyo Ğıvvon nəzəş de hamsuyə və dustə kişfəron bə hartərəfinə həmkoəti əsos bıə əloğəon beyış hisob kardə və təkidış kardə:Im həmkoəti çe ovə roon əmniyyəti iyən kəşti romey xətton əmniyyəti təmin kardey bəzıne.