Səna:Yəməni behroni yeqanə həlli ro xarici ğıvvon təmomən xaric beye

Səna çe Yəməni behroni yeqanə həlli ro,qırd xarici ğıvvon çın kişfəriku təmomən xaric bey zıneydə.

Sənadə bıə Əvəzon və İnşaati Hukuməti mızokirəon qrupi uzvi çe xarici mıdoxilə dəvom kardeyış,bə Yəməni behroni həll nıkardey və bə xarici hukuməton har qıləy vositəçiyəti mumkin nıbeyış təkid karde,çunki əvon ıştən mınoğişədə iştirok kardedən.

Sənadə bıə Əvəzon və İnşaati Hukuməti mızokirəon qrupi uzv Əbdulməlik Əl-Əcri ıştə X şəbəkə mesajədə ​​Yəmənədə bıə xarici ğıvvon mevcudəti bə behroni həni həm saxt beyış təkid kardə və elonış kardə:Yəməni behroni real yeqanə həlli ro qırd xarici ğıvvon çın kişfəriku təmomən xaric beye.

Əl-Əcri əlovəş kardə:Bənə İƏƏ ğıvvon bə dumo pekırey bıə tədbiron mısbətə qəmin,lakin əvon kifoyət ni və diqər xarici ğıvvon həm bəpe Yəməni ərazi tərk bıkon.Im bəyonoton oxonə rujonədə çe Yəməni cənub və şərği məntəğonədə çe Səudiyyə Ərəbıstoni və İƏƏ mıttəfiğon miyono canqi şiddətin bey bədiqə doey bıə.