İslomi İnğılobi seminə Rəhbəri vıjniyey həxədə tıbrikə mesaj

İslomi İnğılobi seminə Rəhbəri səçıni bədiqə İraği İslomi Əlo Məclisi rəyisi mesajış vığandə.

Şeyx Həmmam Həmudi:De Həzrət Ayətullah Seyd Mujtəbo Xameneyi bənə İİR Rəhbəri unvoni ki,çe umməti şəhidə İmom Xameneyi canişin səçın kardey be,ıştə vey səmimi təbrikon iyən xoşə hisson bə İslomi İroni mıcohid,tovin iyən səbarzə milləti ibroz kardedəmon.De ın dıjdə hodisə bə İİR təbriki bə izəmon,ijən həm bə İİR iyən çəy buzurquvorə rəhbər və mərdumi kənoədə hartərəfinə həmrayəti iyən mandey və bə amerkə-sehyonistə zolımonə təcovuzi mığobilədə mandey ki,çe qırd insoni,əxloği iyən beynəlxalğə erjonku bə kənoye,təkid kardedəmon.Mıtəolə-Xıdo dərqoyku bo İslomi Respublikə nuyə rəhbəri Həzrət Ayətullah Seyd Mujtəbo Xameneyi,çe təmom İslomi ummət iyən milləti bə izzət,səbarzəti iyən xəy və məsləhəti səmt şeyə çe navnə rəhbəron ruşinə roy dəvomi koyədə,ovandəti oruzu kardedəmon və Xıdovənd çe muminon həmməysə çokə yavər və koməqəkəy.