İron iyən Misri xarici vəziron telefonə təmos

İron iyən Misri xarici koon vəziron telefonə təmosi cəryanədə deyande votımon kardışone.

İİR xarici koon vəzir Seyd Əbbos Ərağçi iyən çe Misri xarici koon vəzir Bədr Əbdulati,çe amerkə iyən sehyonist rejimi bə İroni ələyh kardə təcovuzkoronə iyən ğeyri-ğanuni canqi iyən çe məntəğə oxonə hodisəon barədə ımruj qıləy telefonə təmos iyən votemonışon kardə.İrağçi bın telefonə qəpədə bo ğanuni mıdofiyə həxı zumandə tətbiği iyən bə amerkə iyən sehyonist rejimi təcovuz iyən cinoyəton ğoymə cəvob doeyro de bə İİR Silohinə Ğıvvon komilə hozzıəti təkidış kardə və elonış kardə ki,çe İroni bə amerkə məntəğədə bıə hərbi bazəon iyən aktivon kardə həmləon çe ğanuni mıdofiyə həxı iyən de təcovuzi mıborizə bardey çərçivədə bə əməl omeydə iyən İİR bə husni-hamsuyəti siyosəti əsos,de reqiyoni kişfəron dustonə iyən bənə bıvə bıə rabitəon dəvomi iyən hiç qıləy xarici mıdoxilə nıbə holədə bo məntəğə əmniyyət iyən stabiləti təmin kardero bə mıştərəkə həmkoəti təkid kardəşe.Misri xarici koon vəziri həm bın diyalqoədə de məntəğədə deskalasiya ziyodəti ıştə şiddətinə norohətçəti ibroz kardey,çe amerkə iyən sehyonist rejimi bə İroni ələyh kardə təcovuzkoronə iyən ğeyri-ğanuni hucumi nəticədə bə de diplomatiyə ro bo deskalasiya bəkam kardey təkid kardəşe.