Məntəğə kişfəron həmkoəti çı reqional əmniyəti şərt

Bəğayi:Reqiyoni əmniyyət bə məntəğə kişfəron miyono bıə həmkoəti vobastəy

İroni xarici koon vəzirəti sıxanəvot de Şinhova Aqenətit bıə mısohibədə:“Amerkə iyən sehyonist rejimi bə İroni ələyh kardə təcovuzkoronə hərəkət de beynəlxalğə ğanunon ya ğaydəon hiç qıləyni mıtobiğ ni.ım sulhi darışteye iyən İroni millət ciddiyə şikilədə çanədə lozım bıbu ıştəni mıdofiyə bəkarde”.Bənə İroni qəncinə mədəniyyəti soybə kişfər hiçvaxti təslim nibəbe,harçand ironıjon çe qıləy ğeyri-adilonə canqi jiyədə bə hucumi məruz mandə.İroni millət torıxi dırozi omutəşe ki,de beədolətiyon dimbədim omeyədə bəyji iyən zumand bımando.Çəmə məğsəd de Farsi Kandovi məntəğə kişfəron həmmə qıləyni iyən de hamsuyə kişfəron ıştə rabitəon zumand kardeye.Reqiyoni əmniyyət bə məntəğə kişfəron miyono bıə həmkoəti vobastəy.Isət əmə bə amerkə məntəğədə bıə hərbi bazəon həmlə kardedəmon,bəçəy xotoye ki,əvon çe İroni ətrofədə pərokəndə bıən iyən de İbıə Ştaton təvəssıti çəyo bə İroni İslomi Respublikə ələyh hucumon kardey beydə.Reqiyoni kişfəron komilə surətədə ın həyğəti dərəsən ki,çe İbıə Ştaton məntəğədə bıə hərbi huzur,sulh iyən sabitətiş bə ərməğon vardəşni.