Həmas:Tərkı-silohi tələb çe israyili boştə təəhhudonku viteyro qıləy bəhonəy

Həmasi rəhbəronku qıləyni təkidış kardə:Tərkı-silohi tələb çe sehyonist rejimi boştə təəhhudonku viteyro qıləy bəhonəy.

Bə Pars-Tudey doə məlumoti əsos,Fələstıni İslomi Mığoviməti Hərəkoti Həmasi siyosi ofisi uzv Muhəmməd Nəzali votəşe:Çe sehyonsit rejimi hədəf,be istisno çe mığoviməti qrupon həmmə tərkı-siloh kardeye.çe sehyonist rejimi sərvəzir benyamin netanyahu tərəfiku ın şərt,bənə çe istifodə bıəninə sazışi iminə mərhələdə bıə təəhhudonku viteyro bıə qıləy vavunəy. Həmasi rəhbəronku bıə ın şəxsi bə tərkı-silohi tələbi cəvobədə,bə dəvardə təcrubəon işorəş kardə ki,əyo Həmas iyən çı Mığoviməti sayir qrupon imtiyozon,min cumlə bəyji iyən mardə məhbuson ozodətiro eyni zəmonədə ətoşon kardə,əmmo işqalqəron bəştə təcovuzon dəvom doydən.Nəzali təkidış kardə:Həmas qıləy ruşinə plani tələb kardedə ki,qıləy mıəyyənə zəmonədə iyən bo bə qenosid iyən canqi onıqardeyro xotırcəməti xoto təminotış bıbu.Əy,çe netanyahu bo canqi sənibəton bino kardeyro bıə təhdidonış”be erjə boc sıeyış” tevsif kardə.Əy əlovəş kardə:Həmasi mevğey çe cinohi mənafeyon iyən xudxahonə ni,bəlkəm çe Fələstıni mərdumi mənafeyon təğibiku nəşət seydə ki,bo tuməbıri oqəteyro həyğiyə təminot iyən çəy tikror nıbeyku xotırcəməti və bəştə ğanyuni həxon dast pəydo kardeye.