Ərəbıston Əl-əğsa məçitədə təhrikinə hərəkətonış məhkum karde

Ərəbıstoni xarici koon vəzorətxonə qıləy bəyoniyədə bə Əl-əğsa məçiti ələyh israyil rəsmi şəxson təkrorinə hərəkətonış məhkum karde.

In bəyoniyədə təkid bıə Ərəbıston bə Ğudsi torixiy və həxə vırə və çəy mığəddəsaton ziyon daxil bıkə ğətyi surətədə rəd kardə. Iyən Ərəbstoni xarici koon vəziron iştimoyətdə tələbış karde ki, ın Beynə-Xəlğ ğanun fərğ duə hərəkəton navi bqəton və israyil rəsmi şəxson de bə Fələstinıjə ğeyri hərbiçion və İslomiyə mığəddəsati ələyh təhlokəin və dəvominə surətədə darışteon xoto bə cəvub duye vodor bıkə. Seonist rejimi daxili əmniyəti radikalə hərəkəti vəzir 5şanbə ruji de pərçəmi ruji pesoxtə mərosimi mınosibəti Əl-əğsa məçiti şərği səhnədə de huzur bıe ın mığəddəsə vırədə rags iyə şoətiş karde.