Əlhusi: de seoniston sazış kardey imkon vucudış ni

Pars Tudey- Yəməni Ənsarullah rəhbər bəyonış karde ki, İslomiyə millət nibəzne de seoniston jimon bıkən və sazışışon bıbu, çon ki, çəvon mevcudiyət bə fəsod iyən istikbori əsos bino bıə.

Bə Pars Tudey raporti əsos və bə Mehr xəbəriyə mərkəzi nəği istinod, Yəməni Ənsrullah rəhbər votışe: xəyli İslomiyə şəxsuon iyən rejimon, nisbət bə yəhudion çokə nəzəşon ni və de əvon sullh iyən jimon kardey curi tabliğ kardən ki, jığo bızın bə həyğət təbdil bıə. əv əlovəş karde ki, seonisti yəhudion bə fəsodi dast jedən və ın mevzu Fələstini işğaliku tabə ımruj dəvomış bıə. Yəməni Ənsarulləh bəyonış karde ki, İslom dınyo ısətnə vəzyət dışmeni vədə səhih nıbə qətə mevğe nəticəye, təkidış karde ki, İslom dınyo xəyli elitaonku, seonistiyə dışmeni təhlukə de qıləy təhdidiyə dığğət duey icod kardə ki, bəy dığğətışon duə ni.