Hizbullah nımoyəndə:Silohi bəsə zəminisə nibənemon

Livani parlamentədə“Bə Mığoviməti loyaləti” fraksiyə uzv Həsən Fəzlullah votəşe:dışmeni bo otəşvəsi məcbur kardero əsliyə amil,çe məydoni ğudrəte və Mığoviməti ıştə silohi bəsə zəminisə nibənoe.

Bə Pars-Tudey bə İrna nəğli əsos,çe Livani parlamentədə“Bə Mığoviməti loyaləti və bəfodorəti” fraksiyə uzv Həsən Fəzlullah çe Livani devlətədə bıə kali siyosi cərəyononku de şiddəti tənğıd kardə holədə ki,de sehyoniston təvəssıti hırdən iyən jenon ğətlı-am bıə zəmonədə,çe “siloh fəğət bəpe çe devləti inhisorədə bıbu”şuori vanq jeydən,votəşe:Qıləy holədə ki,çe Livani cənubədə çəmə fərzəndon xun emedə,bəzi məsul şəxson hiç qıləy məsuliyyət hiss nıkardə holədə,diktə bıə sıxanon tikror kardedən.“Bə Mığoviməti loyaləti və bəfodorəti” fraksiyə uzvi de bə “Əli Əttahir” barzə vıronədə bıə oxonə canqon işorə kardə holədə,votəşe:Dışmeni ıştə bə mulki şəxson ələyh bıə oxonə cinoyətonədə boştə hərbi məğlubiyyəti dəpuşnero du votedə iyən iddiyo kardedən ki,çəmə canqəvəronışon kıştə.qıləy holədə ki, canqi məydonədə çəmə canqəvəron de Huseyni iyən Kərbəlo ruhiyyə,bəvon sanqinə xəsorətonışon daxil kardə və icozəşon doəni ki,dışmen hətto bəçəvon nəzədə bıə təpə həm nez bıbon.Əy oxoyədə təkidış kardə:Çəmə ğərəz poydorəti iyən mığoviməti co hiç qıləy romon ni.çanədə ki,ın mığovimət mevcude,çəmə mərdumi məcburi kuç doey iyən dərbədər kardey proyekt,hiçvaxti real nibəbe.