Bə məntəğədə bıə Amerkə hərbi bazaon İroni zumandə teaksiya
İİMK:Bə Kuveyt və Bəhreynədə vağe Amerəkə bazəon muhimmə infrastruktur və obyekton zərbə jey bıə.
İslomi İnğılobi Mıhofizə Korpusi hırdən kıştə Amerəkə ləşkəri ıştə vədi darıştey və təcavuzi bədiqə doə bəyonot jıqoe:
بسم الله قاصم الجبارین قَاتِلُوهُمْ يُعَذِّبْهُمُ اللَّهُ بِأَيْدِيكُمْ وَيُخْزِهِمْ وَيَنْصُرْكُمْ عَلَيْهِمْ وَيَشْفِ صُدُورَ قَوْمٍ مُؤْمِنِي
Ha nəcibə İroni millət və ha çe İraği nəcib və mıcohidə millət;Dınyo torıxədə bəştəməxsus de qıləy zəmon və təşyi mərosimi bə dınyo ilahi ğəyyuməti ləyoğət və statusi,xalği nığılə dı tərəfinə eşğ və İslomi barzəti de Əmirəl-muminini(ə) prinsipon və şuoron nışon doə mumin,bəsirətin və sadığə xalğ,bəşmə səlom bıbu! Mısılmonə fəğihi səlohiyyəton və ğəyyuməti darıştey xarc vey sanqin bəbe.In mehtəşəmə təşyi mərosim,xususən həm şiddətinə qamə həvoədə 23 saat dəvom kardə aşığonə təşyi mərosim,azizə İraği sərzəmin Sıpiyə Kədə jiyə təkəbbırinə insononış bə vəhşəti dıço kardəşe və bə xalği ın zu nımoyişi təcili reaksiya nışon doey məcbur həm bıko,əhd darıştə Amerəkə qırd ehdəmonon darıştə holədə çe İroni cənub sahili əyoləton çandə qılə hissə marzonış ijən həm dəvarde və bə xalği əleyh de qıləy hərəkəti ım unikalə dastoni xəbəon soğnədə noey və ım ilhomdoə hodisə çe dınyo xalğonku niyon kardero şərği əyolətonədə bə mığəddəsə Məşhədi səmt dıqlə pardi təcovuz,çın cinoyəton bə dınyo xalğon həni həm oğo kardey və bə yolə şəytoni ələyh muborizədə rol ifo kardero veyə ğətiyyətinətiku xəbəş nıbe. İslomi mıcohidon çı hırdənəkıştə Amerkə ləşkəri beğanunətiyon becəvob nibəhaşte.Bə mığovilə darıştə Amerkə ələyh cəzo tədbirləron iminə mərhələdə,İİMK de dıyo və aerokosmik ğıvvon mıştərəkə rəket və bepilotə təyyorə əməliyyoton vositə dışmeni çe kişfəri mıxtəlifə vıronədə bıə hucumonku i saat bəpeştə,Kuveytədə bıə Ərifcan və Əli əs-Salim,həmən Bəhreynədə Cufeyr və Şeyx İsadə vağe bıə Amerkə işğalçiyon dıqlə mıstəmləkə baza infrastruktur və muhimmə obyektonış məhf kardə.İslomi İnğılobi Mıhofizə Korpusi bə hırdənəkıştə Amerkə ləşkəri xəbərdorətiş kardə ki,əqər təcavuz təkror bıbu,çəmə zumandə cəvobon məntəğədə bıə bə Amerkə coqlə bazaon həm şomil bəbe.
