Nəbih Berri: israyili çı Livani zəminiku bə dumo pekırey niyyətış ni
Pars Tudey-Livani parlamenti spiker Nəbih Berri ıştə sıxanonədə bə seonist rejimi çe Livan sərzəminiku əslədə bə dumo pekırey niyyətədə nıbeyış təkid kardə.
Pars Tudey bə Əl-Əxbari istinodən doə məlumoti əsos,Nəbih Berri bə de Livani prezident Cozef Oni bıə dido işorə kardə holədə votəşe:De prezdenti bıə vindemon fəğət qırd dəlilon çı israyili səçınonku bənav çe Livani zəminiku bə dumo pekırey ğərori nıbey nışon doey məsələ izoh kardero bərpo bıə. Əy,əlovəş kardə:Livan hukuməti de seonist rejimi miyono roziyəti mardə bə dınyo omə və həni hiç ki bın barədə qəp jeydəni və israyil bə roziyəti əməl nıkardə holədə əvış dəkande. Berri votəşe:Benyamin Netanyahu ciddiyə şikilədə de volo bey riski dimbədime.Livan və seonist rejim çımi bənav de Amerkə vositəçiyəti "çərçivə roziyətişon" imzo kardə;israyili rejimi de Hizbullah miyono mıhoribə bə oxo rosney hədəflış bıə qıləy roziyəti.
